Jamoatchilik fikri

   "Jamoatchilik Fikri: Haqiqatan Ham Fikrlarimizda Erkinmizmi?"

      Ushbu maqolani o'qib chiqqaningizdan so'ng, quyidagilarni bilib olasiz:

●    Jamoat fikrini aniqlash.

●    Jamoat fikrining turli xil turlarini tasniflash.

●    Shaxsning fikrini shakllantiruvchi tashqi ta'sirlarni batafsil tushuntirish.

Siyosiy Ishtirok
          Siyosiy ishtirok - bu demokratiyaning mustahkamligini o'lchashning muhim mezonidir, chunki ommaviy faollik uning qonuniylik manbai sifatida xizmat qiladi. Biroq, jamoattan hukumatni boshqarish mas'uliyatini o'z zimmalariga olishini kutish mumkin emas. Odamlar ish, oila va boshqa muhim tashvishlarga ega, va har doim biror darajada ishtirok etish muhim bo'lsa-da — masalan, ovoz berish, rasmiylarga xat yozish yoki siyosat haqidagi yangiliklarni o'qish orqali — biz jamoat manfaatlarini ifodalash va biz tushunmaydigan sohalarda mutaxassislar yondashishini kutishimiz kerak. Jamoat vakillarini saylash orqali biz, masalan, muayyan sohalarda bilim va ekspertizaga ega bo'lgan shaxslarning fikrlarini eshitishni istaymiz. Biroq, saylangan vakillar bizning nimani xohlayotganimizni qanday bilishadi? Ovoz berish albatta, odamlar qanday fikrda ekanliklarini tushunish uchun yaxshi ko'rsatkich bo'lsa-da, bu hukumat uchun ba'zi muammolar bo'yicha ommaviy kayfiyatni to'liq tushunish uchun yetarli bo'lmaydi. Mana shunday holatlarda, jamoat fikri tushunchasi juda muhimdir. Odamlarning nima istayotganini o'lchay olish, demokratik tuzum orqasidagi asosiy mantiqni tashkil qiladi.

 Jamoatchilik Fikri Nima?

Jamoatchilik fikri — bu biror masala yuzasidan individual qarashlarning yig'indisidir. Hamma odamlar ham barcha mavzularda fikrga ega emas, shuning uchun jamoat fikrini yana bir tarifini, bu oddiy fuqarolarning ochiq-oshkora ifodalashga tayyor bo'lgan qarashlari deb aytish mumkin. Odamlarning fikrlari turli sabablarga ko'ra o'zgarishi mumkin, shuning uchun ijtimoiy fikr so'rovi bu odamlarni sorov o'tkazilgan vaqtidagi kayfiyatni o'lchaydi. Jamoat fikrini o'lchash orqali, saylangan vakillar xalq muayyan muammo yuzasidan nima qilinishi kerak deb hisoblashini bilib olishadi.

 Ko'pchilik Fikri

 Ba'zi masalalar bor, unda jamoatning ko'pchiligi bir xil fikrni bildiradi, bu ko'pchilik    fikri deb ataladi. Masalan, 2020-yilgi Garvard Universiteti so'rovnomasida:

●                 Amerikaliklarning 80 foizi "Bizning erkinliklarimiz bo'lmasa, Amerika hech narsa emas" degan fikrga qo'shilgan.

●                93 foizi toza havo va suv asosiy huquqlar deb hisoblashlarini aytgan.

●                92 foizi sifatli ta'lim olish huquqini qo'llab-quvvatlagan.

●                92 foizi irqiy tenglikni qo'llab-quvvatlagan.

●                89 foizi arzon va sifatli sog'liqni saqlash huquqini qo'llab-quvvatlagan.

Har bir raqam so'rovga javob berganlarning 50 foizidan ko'prog'ini tashkil qilganligi sababli, bu qarashlar ko'pchilik fikrini ifodalaydi. Ammo, bu odamlarning ko'pchiligi barcha masalalar bo'yicha fikrlarga ega yoki hamma masalada bir xil nuqtai nazarga egaligini anglatmaydi. Masalan, fermer federal qishloq xo'jaligidagi subsidiya dasturlari haqida aniq fikrga ega bo'lishi mumkin, ammo stomatolog bunday fikrga ega emas. Stanford Universiteti profesori Jon Krosnikning yozishicha, "Amerika fuqarolari jamoat siyosati masalalariga bo'lgan munosabatlarida shaxsiy ehtiyojlari nuqtai nazaridan tubdan farq qiladi."