Marginal tahlil

 Qani keling, endi marginal tahlilni chuqurroq o’rganamiz. 

 Mikroiqtisodiyotda ko‘pchilik qarorlar odatda ma’lum bir faoliyat yoki harakatning foydasi, uning xarajatlaridan ko’p bo’lishiga qarab qo’yiladi, va mana shu yerda marginal tahlil juda ham qo’l keladi. Masalan tasavvur qiilaylik investor ikkita potentsial investitsiyaga duch kelgan, ammofaqat bittasiga sarmoya kiritish uchun resurslarga ega. Sarmoyador eng yuqori daromad salohiyatiga ega variantni aniqlash uchun har ikki investitsiyaning xarajatlari va foydalarini taqqoslash uchun marjinal tahlildan foydalanishi mumkin.

 Marjinal tahlildan foydalanish

 Quyida marjinal tahlilning ikkita keng tarqalgan qo‘llanilishi keltirilgan: 

 1. Kuzatilgan o‘zgarishlar Marjinal tahlildan ish boshqaruvchilar kuzatilgan o‘zgarishlari asosida tajribalar yaratishda foydalanishlari mumkin. Masalan, marginal tahlil ma’lum foizda ishlab chiqarishni ko‘paytirishning xarajatlar va daromadlarga ta’sirini baholash uchun ishlatilishi mumkin. Xo’sh foyda qachon sodir bo’ladi? Foyda qachonki marginal xarajat kamayganida yoki bo’lmasa umumiy foyda sarflangan xarajatdan oshib ketganida keladi. Agar bu narsa ijobiy natija bersa,ya’ni foyda olaversangiz toki salbiy natijaga erishilgunga qadar, ya’ni foyda olishni to’xtatguningizga qadar bosqichma-bosqich harakatlar amalga oshiriladi. 

2. Harakatning alternativ xarajati Menejerlar muntazam ravishda mavjud variantlar orasida tanlov qilishlari kerak bo‘lgan vaziyatlarga duch kelishadi. Misol uchun, aytaylik, kompaniyada bitta bo‘sh ish o‘rni mavjud va ular kichik ma’mur yoki marketing bo‘yicha menejerni tanlash imkoniyatiga ega. Marjinal tahlil kompaniya o‘sishi uchun resurslarga ega ekanligini va bozor to‘yinganligini ko‘rsatishi mumkin. Natijada marketing menejerini ishga olish ma’murga qaraganda ko‘proq daromad keltiradi.