Sviftonomiya

Sviftonomiya nima?

Sviftonomiya musiqachi Taylor Sviftning iqtisodiy ta’sirini anglatadi. 2023-yilda Swift o‘zining Eras Tour - global seriyali shoularini boshladi, bu rekord darajadagi eng yuqori daromad keltirgan gastrol bo‘lib, hozirgacha 1 milliard dollardan ortiq daromad keltirdi. Eras Tour konserti AQSH bo‘ylab mahalliy iqtisodiyotni rivojlantirishga hissa qo‘shdi. Swift muxlislari turar joy, oziq-ovqat, transport va savdoga pul sarflash uchun kontsertlar o‘tkaziladigan shaharlarga oqib kelishdi. Pop superyulduzi va uning xalqaro gastroli ham jahon iqtisodiyotiga ta’sir ko‘rsatdi.

Eras Tour kontsertida ishtirok etishni istagan muxlislar chipta olishga shoshilishdi. Biroq, 2022-yil oxirida yuqori talab tufayli sayt ishdan chiqdi va monopolistik amaliyoti uchun mijozlar hamda siyosatchilar tomonidan keng tanqidga uchradi.

Eras Tour ishtirokchilari - AQSH gastrolining birinchi bosqichida har bir kontsertda o‘rtacha 54 000 ga yaqin muxlislar Swift kontsertlarini o‘tkazadigan shaharlarga sayohat qilishdi va o‘z pullarini mehmonxonalar, transport, oziq-ovqat, mahsulotlar va boshqalarga sarflab, mahalliy turizmni jonlantirishga yordam berishdi.

Bir tadqiqot shuni ko‘rsatdiki, Eras Tour qatnashchisi uchun o‘rtacha xarajat 1327,74 dollarni tashkil qiladi.

Qo‘shiqchi-qo‘shiq muallifi 2023-yil iyun oyida Chikagoda uchta kontsert berganidan so‘ng, Illinois shtati gubernatori. J.B. Pritsker va yetakchi turizm yetakchilari Illinois qisman Sviftning tashrifi tufayli mehmonxona daromadi rekordini yangilaganini e’lon qilishdi.

Sviftning Denver, Colorado va Ogayo shtati dagi kontsertlari oldidan o‘tkazilgan hisob-kitoblar shuni ko‘rsatdiki, Eras Tour Kolorado yalpi ichki mahsulotiga 140 million dollar hissa qo‘shishi va Ogayodagi mahalliy xarajatlarga 92 million dollar keltirishi kutilgan edi.

Kansas-City mintaqasi Swiftning Missouri bekatidan taxminan 48 million dollar oldi.

Umuman olganda, bir tahlilga ko‘ra, Eras Tour AQSH iqtisodiyoti uchun 5 milliard dollar daromad keltirishi mumkin. Shu bilan birga, AQSH sayyohlik assotsiatsiyasining ta’kidlashicha, konsertlarda qatnashmagan, ammo tadbirlar atrofidagi xarajatlarga qo‘shilgan iste’molchilarning bilvosita xarajatlarini hisobga olganda, bu raqam 10 milliard dollarga yaqin bo‘lishi mumkin.

Tarjimon: Malika Salimova

Iqtisodiyot bo'limi lideri: Xojiakbar Tursunmuhammatov

Manba: Investopediya